Nú hljóta þessir Olíufurstar að nota tækifærið og hækka hressilega

Á ekki von á öðru en þeir hækki núna og komi með einhverja lame afsökun eins og verð hér heima verði að spegla heimsmarkaðsverð hækki það úti hljótum við að hækka hér.

Ekki hefur staðið á þessu hjá þessum herramönnum hingað til . Hættið að versla við N1 og Skeljung látum þá finna fyrir samstöðu okkur, þá neyðast þeir til að lækka.

Hráolíuverð upp fyrir 119 dali tunnan

Athugasemdir

[corvus corax, 27.8.2008 kl. 16:23]

Hættið að versla við Atlantsolíu því þar eru svikin mest. Atlantsolía kom inn á markaðinn með hástemmdum loforðum að vera alltaf a.m.k. 1 krónu lægri en sá næst-lægsti. Það hafa þessir skíthælar aldrei staðið við. Atlantsolía veitir enga þjónustu, er eingöngu á markaði þar sem eitthvað er að hafa en sinna ekki minni stöðum og halda uppi lægsta verðinu með því að taka þátt í samráðinu á fullu. Orkan þarf bara að vera nokkrum aurum lægri en Atlantsolía til að vera lægst og stendur Orkan sig frábærlega í því þannig að Atlantsolía kom ekki inn á markaðinn með aukna samkeppni, heldur þvert á móti með enn meiri samtryggingu og samráð allra olíu- og bensínsala. Samráð? Já, hvað er það annað en samráð að verðið hækkar og lækkar alltaf um nákvæmlega sömu upphæð hverju sinni því í þessu eltir hvert verðsamráðsglæpagengið annað svo innbyrðis verðröðunin og verðmunurinn verður alltaf sá sami. Þetta er ekkert annað en samráð um verð þar sem einn gefur tóninn og hinir syngja sama lagið. Olíu- og bensínsmarkaðurinn versnaði um allan helming með tilkomu Atlantsolíu undir fölsku flaggi því það einkagróðafélag hefur aldrei knúið niður eldsneytisverð á Íslandi. Ég skora á alla að hafna þessum Hróa-hattar-leik hjá Atlantsolíu og fylkja sér um þá sem raunverulega bjóða lægsta verðið hverju sinni, Orkuna og ÓB-bensín.